سحماتا أرضي من جدود جدود
يا أرض العرب.....
حبي إلك عالم مالوش حدود
أرضنا أم الحضاره ومهد الأنبياء
كرمالهم ياما حرقنا شموع
يا أرضنا خيرك علينا كثير والرّزق الحلال
وردكْ وفلّك على حفافِ النهر مزروعْ
ولادك خلقوا من ترابك بظلوا أوفياء
ولا مرّه بتنازلوا عن حقنا المشروعْ
الفاء واللام والسين ، الطاء والياء
والنون الأهل اللي ناطرين رجوع
ليش الأهل علينا طوّلوا الترحال !؟
عيونا ع غيابن عم تهلّ دموع
كنّا عايشين بخير وهداة البال
نفلح أرضنا وراسنا مرفوع
ياما زرعنا سهول خلف جبال
لأرضنا نبقى طول العمر حرّاس
يا تلالنا يا ربوع أحلى ربوع !
قدّيش مرقت قدّامك جيوش الأحتلال
يا أهلنا ، يا ناس أطيب ناس
شعارنا بيبقى وحدة صليبنا وهلال
ياما صحينا على صوت الآذان ورنّة الأجراس
وقدّيش كنا نردد الموال
موّال لحنو للسما مسموع
نرفض حياة الذّل والغربه
مفتاح بيتي معلقو بسنسال
يا بيتنا بعاهدك لوشاب شعر الراس
راح ظل معلق السنسال في عبي
شايلين بالبيت سكّه ، وعود ولوح ادراس
بأفراحنا بتصدح مدقّه وجرن كبّه
يا إخوتي محمد ويوسف مع الياس
المحتل بعيّد عيد استقلال  !!!!!
واحنا على نار النوى نتذكّر النكبه

( سحماتا )