فوق تحت. ورا قدام. يمين شمال
في الجو. تحت المية. أو في الرمال
طلب الكمال يحرم على الممكن
والممكنات دول محرومين م الكمال
عجبي!!

ومي على الله تنتهي وتغيب
الشمس.. وتعود تاني يوم لهاليب
زي الحياة. مأساة. ومن كترها
بقي لا انتهاءها وابتداءها عجيب
عجبي!!

عبثاً باقول وأقرا في سورة عبس
ماتلومش حد إن ابتسم أو عبس
فيه ناس تقول الهزل يطلع جد
وناس تقول الجد يطلع عبث
عجبي!!

أيوب رماه البين بكل العلل
سبع سنين مرضان وعنده شلل
الصبر طيب.. صبر أيوب شفاه
بس الأكاده مات بفعل الملل
عجبي!!