barhom.com بـــرهـــوم جـــرايـــســـي

خوض معركتها زي جدّك ما خاض
صالب وقالب شفتك بامتعاض
هيّ كده.. ما تنولش منها الامل
غير بعد صد وردّ ووجاع مخاض
عجبي!!

لو انضنيت وفنيت وعمري انفرط
مش عاوز الجأ للحلول الوسط
وكمان شطط وجنون مانيش عاوز
يامين يقول لي الصح فين والغلط؟
عجبي!!

وقفت بين شطين على قنطرة
الكذب فين والصدق فين يا ترى
محتار حاموت. الحوت خرج لي وقال
هو الكلام يتقاس بالمسطرة؟
عجبي!!

- يا نجم نورك ليه كده بيرتجف؟
هو انت قنديل زيت؟.. أو تختلف؟
أنا نجم عالي.. بس عالي قوي
- وكل ما أنظر تحت أخاف انحدف
عجبي!!

لجنة إتلاف الكباب عودة بشارات- الاتحاد الحيفاوية

ولدي إليك بدل البالون ميت بالون
انفخ وطرقع فيه على كل لون
عساك تشوف بعنيك مصير الرجال
المنفوخين في السترة والبنطلون
عجبي!!

التالي - - السابق - أنت في صفحة=69 - عدد الصفحات=76